Integrimet europiane dhe euroatlantike të Maqedonisë mbetën synim strategjik i Bashkimit Demokratik për Integrim (BDI) edhe në periudhat kur partnerët e tyre në qeveri devijuan nga një synim i tillë, sipas analistit politik Ivon Veliçkovski, duke komentuar zhvillimet e fundit në BDI dhe shpalljet për zgjedhje të brendshme partiake.
– Proceset e brendshme në BDI për këto 20 vite kanë qenë konstante dhe kjo aktualisht nuk është për t’u habitur. Gjatë kësaj periudhe, struktura e elektoratit të tyre ndryshoi gradualisht, e po ashtu edhe prioritetet programore aktuale dhe për rrjedhojë edhe kuadrot për zbatimin e tyre. Integrimet europiane dhe euroatlantike të Maqedonisë mbetën qëllimi i tyre strategjik, edhe në periudhat kur partnerët e tyre në qeveri devijuan nga një synim i tillë. Aktualisht në BDI po zhvillohet një proces i cili duket se mundëson përfaqësim real në nivel brendapartiak dhe përfaqësim të elektoratit përmes emërimeve politike, në përgatitje për zgjedhjet e ardhshme parlamentare dhe presidenciale, tha Veliçkovski për “Lokal”.
