– Pasoja është si vijon: Duke u bazuar në këtë “skenar”, njohësit e rrethanave shtojnë se opozita shqiptaro-maqedonase po tenton shpërbërjen dhe bllokimin e Kuvendit, për t’i dalë në ndihmë Rusisë dhe për të penguar anëtarësimin e Suedisë dhe Finlandës në NATO.
“Skenar rus”!
Kështu lexohet në opinion tentimi i opozitës së bashkuar shqiptaro-maqedonase për të bllokuar Kuvendin e Republikës së Maqedonisë së Veriut. Dikush mund të thotë se kjo tezë është e sforcuar, por realiteti që na rrethon dhe ngjarjet që po ndodhin në skenën e gjerë botërore, nuk lënë shumë mëdyshje. Çdo veprim duhet të jetë konform situatës, nuk jemi si vend ishull i vetmuar në oqean.
Shumë njohës të rrethanave politike do të thonë se kjo bllokadë e parlamentit, qoftë si veprim i pavetëdijshëm, qoftë si skenar me paramendim, është në favor të Rusisë, e cila përpos agresionit që ushtron mbi Ukrainën, tenton edhe destabilizimin e vendit.
Pasoja është si vijon: Duke u bazuar në këtë “skenar”, njohësit e rrethanave shtojnë se opozita shqiptaro-maqedonase po tenton shpërbërjen dhe bllokimin e Kuvendit, për t’i dalë në ndihmë Rusisë dhe për të penguar anëtarësimin e Suedisë dhe Finlandës në NATO.
Shpërbërja ose bllokimi eventual i Kuvendit të RMV-së do t’i pengonte shtetet e lartpërmendura në rrugën e anëtarësimit sepse për anëtarësimin e tyre kërkohet edhe miratimi dhe ratifikimi edhe nga ana e Kuvendit tonë.
E bllokimi ose shpërbërja do të pamundësonte Finlandës dhe Suedisë anëtarësimin sepse do të ishin “peng” të përgjigjes së RMV-së. E kjo do ti vinte në ndihmë vetëm Rusisë.
Duke i pasur parasysh këto aspekte, aktorët e bllokadës ndihmojnë indirekt rikonfigurimin e dëmshëm gjeostrstegjik. Janë naivë, ose veprojnë me paramendim opozitarët e bashkuar shqiptaro-maqedonas?! Jezu Krishti (profeti Isa) e ka atë fjalën e famshme: Faljua Zot, nuk e dinë çka bëjnë!/express.mk
