Është mbajtur seanca dëgjimore ndaj dy serbëve të arrestuar për sulmin ndaj ushtarëve të KFOR-it në Zveçan.
Vendimi ndaj tyre pritet të merret gjatë ditës.
Kështu tha për Klankosova.tv Mirlinda Gashi, zëdhënësja e Gjykatës Themelore e Prishtinës.
D.O. dhe R.P., u arrestuan nga Policia e Kosovës menjëherë pas protestës së dhunshme ku u lënduan rreth 30 pjesëtarë të KFOR-it.
Në atë ditë u shkatërruan disa vetura të Policisë së Kosovës, KFOR-it dhe mediave që mbulonin zhvillimet në Zveçan.
Njëra nga kërkesat e protestuesve në veri është edhe lirimi i dy të arrestuarve./Klankosova.tv
