SPAK është duke zhvilluar një operacion të përbashkët me autoritetet italiane. Klan News raporton se janë lëshuar disa urdhërarreste. Operacioni është në vijim e sipër.
Gazetarja Glidona Daci raporton se janë duke u ushtruar kontrolle banesash pasi aksioni i SPAK është i shtrirë në disa qytete. Dyshohet se mes të arrestuarve ka prokurorë dhe policë.
Gazetarja Daci ka mësuar se në pranga janë vendosur biznesmeni Pëllumb Gjoka, ish-drejtuesi i Operacionales, Olti Bistri dhe drejtuesi i Prokurorisë së Kukësit, Xhevahir Lita.
Megjithatë deri më tani nuk ka shumë detaje rreth këtij operacioni. Për këtë, SPAK ka paralajmëruar një konferencë për shtyp në orën 10:00 ku do të japë detaje të hollësishme rreth këtij hetimi./tvklan.al
