Marrëdhënia vëllazërore e Princit Harry me Princin William nuk është rikuperuar që nga intervista me Oprah Winfreyn

Princi Harry është ‘në kontakt të rregullt me Princin Charles’ por marrëdhënia e tij me Princin William ‘nuk është rikuperuar që nga intervista e tij dhe Meghanit për Oprah Winfreyn’, ka pohuar një ekspert mbretëror.

Duka i Sussex-it, 38 vjeç, aktualisht po jeton me Dukeshën, 40 vjeçe, në rezidencën e tyre prej 14 milionë dollarësh në Kaliforni, pasi u tërhoq nga detyra mbretërore vitin e kaluar, shkruan DailyMail.

Camilla Tominey tani ka vënë në pikëpyetje “çfarë kanë bërë në të vërtetë Harry dhe Meghan Markle” që kur u larguan nga jeta si anëtarë të familjes mbretërore vitin e kaluar, duke thënë se ka pasur “pak prova të një vale globale shërbimi” të ndezur nga çifti.

Ndërkohë ajo vuri në dukje gjithashtu se marrëdhënia e Princit Harry me familjen e tij mezi është përmirësuar gjatë vitit të kaluar, duke shkruar në The Telegraph: “Ndërsa Princi Charles mendohet të jetë në kontakt të rregullt me djalin e tij më të vogël, marrëdhënia e Harryt me Williamin nuk është rikuperuar ende nga intervista me Oprah”.

Vëllezërit thuhet se kanë pasur një marrëdhënie ‘tepër të tendosur’ pas dy vitesh grindje për gruan e Harry-t dhe trajtimin e supozuar të saj me stafin, vendimin e çiftit për të emigruar në Amerikë dhe tonelatat e ‘bombave të së vërtetës’ që çifti kanë bërë në intervista televizive, shikuar nga dhjetëra miliona njerëz në mbarë botën.

Një burim i tha Camillas: “Siç ka thënë gjithmonë Mbretëresha, [Princi Harry dhe Meghan] mbeten anëtarë shumë të dashur të familjes, por nuk ka qenë e lehtë”.

“Është mjaft e vështirë për çdo familje të shkojë mirë, por kur detaje të tilla intime bëhen publike në TV prime? Është e vështirë ta kthesh atë xhind në shishe”, tha burimi.

Ndërkohë, burime e brendshme zbuluan gjithashtu se si Duka dhe Dukesha jetojnë një jetë jashtëzakonisht ‘të qetë dhe private’ në enklavën e tyre të famshme të Montecitos.

Ata thanë se dyshja mezi ishte parë të dilnin nga prona gjatë 18 muajve të fundit dhe rrallë ishin parë në qytet.

Një fqinj, i cili kishte jetuar pranë mega rezidencës së çiftit për dekada, shpjegoi se ata kurrë nuk i kishin parë ata në shtëpi.

Ata thanë: “Kam parë vetëm sigurimin e tyre; nuk i pamë fare në shtëpinë e tyre”.

Komentet e Camillas vijnë pasi një tjetër ekspert mbretëror pretendoi se Mbretëresha është ‘e dëshpëruar’ për të parë personalisht stërmbesën e saj Lilibet.

Autori mbretëror Brian Hoey, i cili ka shkruar shumë për familjen mbretërore, tha për Express se monarkja 95 vjeçe, dëshiron shumë të takojë vajzën nëntë muajshe të Princit Harry dhe Meghan.

Deri më tani, besohet se mbretëresha e ka takuar mbesën e saj të 11-të, e cila ende nuk ka udhëtuar në Mbretërinë e Bashkuar, përmes video-lidhjeve në internet.

Vërejtjet vijnë pasi Princi Harry sjell një sfidë ligjore kundër Ministrisë së Brendshme, pasi iu tha se nuk do t’i jepej më “e njëjta shkallë” e sigurisë personale mbrojtëse kur të vizitonte nga SHBA, pavarësisht se ofroi ta paguante vetë.

Harry dëshiron t’i sjellë fëmijët e tij për vizitë nga përtej Atlantikut, por ‘nuk ndihet i sigurt’ kur viziton sipas rregullimeve aktuale të sigurisë, iu tha më parë Gjykatës së Lartë.

Zoti Hoey tha: “Kam dëgjuar nga njerëz që njoh brenda familjes mbretërore, ajo me të vërtetë do të donte dëshpërimisht ta shihte fëmijën në këtë mënyrë”.

“Unë mendoj se ajo do të donte, pyes veten nëse do të ndodhë, do të doja të mendoja se mund të ndodhte”, shtoi ai.

Eksperti tha se ai beson se një takim midis Mbretëreshës dhe anëtares më të re të familjes Sussex do të shëronte përçarjen e raportuar midis Harryt dhe anëtarëve të tjerë të familjes mbretërore.

Ai shtoi se Madhëria e saj do të mirëpriste Princin Harry dhe Meghan nëse do të vizitonin Britaninë e Madhe me fëmijët e tyre. /Telegrafi/