Liderët botërorë po akuzojnë Rusinë se po rrezikon sigurinë e një kontinenti të tërë pasi forcat e saja sulmuan një termocentral bërthamor duke shkaktuar edhe zjarr në të.
Një zjarr shpërtheu në centralin bërthamor të Zaporizhzhia, më i madhi në Evropë – pasi u sulmua nga Rusia, shkruan BBC.
Shërbimet e Urgjencës të Ukrainës arritën të shuanin zjarrin, i cili shpërtheu në një ndërtesë jashtë perimetrit të uzinës, por autoritetet thonë se trupat ruse kanë kapur centralin.
Kryeministri i Mbretërisë së Bashkuar Boris Johnson tha se sulmi “i pamatur” i Rusisë mund të “kërcënojë drejtpërdrejt sigurinë e të gjithë Evropës”.
Presidenti i SHBA-ve, Joe Biden i kërkoi Moskës të ndalojë aktivitetet e saj ushtarake rreth zonës, ndërsa kryeministri kanadez Justin Trudeau tha se “sulmet e tmerrshme” nga Rusia “duhet të pushojnë menjëherë”.
