“Lenini” edhe “Tito” ende në rrugët e Tetovës! Kasami e Mickoski thonë se do të bisedojnë, por nuk premtojnë zgjidhje

“Lenin”, “Marshall Tito”, “Kiril Pejçinoviq”, “29 Nëntori” dhe “Bllgoj Toska”, janë vetëm disa nga emrat e rrugëve edhe shkollave të Tetovës. Edhe pse u ndryshuan në vitin 2007, këto emra ende përdoren nga pushteti qendror. Po a do të ketë vullnet politik mes VMRO-DPMNE-së dhe Lëvizjes Besa që këto emërtime të shkojnë në histori? Kryetari i Komunës, Bilall Kasami, thotë se ditëve në vijim do të bisedojë për këtë çështje.

 

 “Është temë lokale e cila do të duhet gjatë ditëve në vazhdim të koordinohemi me këshilltarët e VMRO-së apo me strukturat lokale të VMRO-ë ku do të kemi takim qëndrim sigurisht gjatë ditëve në vazhdim do të kemi edhe qëndrimet tona”, tha Bilall Kasami, kryetar i Komunës së Tetovës.

Kreu i opozitares VMRO-DPMNE, Hristijan Mickoski, mendon se nuk duhet lënë të hapura dhe nuk duhet të ketë hapësirë për tema tabu.