World Happiness Report ka publikuar raportin për vitin 2022 për vendet më të lumtura në botë.
Kjo uebfaqe përdor të dhënat e sondazhit global për të raportuar se si njerëzit vlerësojnë jetën e tyre në më shumë se 150 vende në mbarë botën, transmeton Telegrafi.
Siç mund të shihet në raportin e mëposhtëm Finlanda renditet e para, derisa sipas VisualCapitalist vendi u rendit në këtë pozitë për të pestën herë me radhë.
Në vendin e dytë është Danimarka, pastaj Islanda, Zvicra e Holanda. Tutje në vendin e gjashtë renditet Luksemburgu, në vendin e shtatë Suedia, të tetin Norvegjia, pastaj Izraeli dhe Zelanda e Re.
Sipas raportit të publikuar nga World Happiness Report, Kosova renditet në vendin e 32-të, derisa Shqipëria gjendet në vendin e 90-të. /Telegrafi/
