Komisioni Rregullator për Energjetikë dhe Shërbime Ujore (KRRE) gjatë ditës së sotme do të marrë vendim të ri për çmimin e derivateve të naftës që do të vlejë prej sonte në mesnatë. Siç informojnë nga KRRE, janë përmbushur parakushtet për marrjen e vendimit të ri.
“Parakushtet janë përmbushur, KRRE do të marrë vendim të ri për çmimin e derivateve të naftës i cili do të hyjë në fuqi prej orës 0:01 më 25 mars”, deklaroi Marina Uzunov, zëdhënëse e KRRE-së.
Çmimet e karburanteve merren në bazë të Rregullores së ndryshuar për përcaktimin e çmimeve me pakicë të derivateve të naftës me të cilin KRRE për çdo ditë mund të marrë vendime për ndryshim të çmimeve të karburanteve nëse përllogaritja për çmimin e cilitdo derivat rritet ose zvogëlohet për dy denarë. Për përllogaritje merret mesatarja nga kuotimet paraprake pesëditore në bursë për secilin derivat veçmas dhe aspak nuk ndikon çmimi i naftës së papërpunuar në tregun botëror.
