Kreu i Bashkimit Demokratik për Integrim, Ali Ahmeti në paraqitjen e tij të fundit nga Kosova, respektivisht nga emisioni “Pressing” që transmetohet në T7 foli për takimin e “sikletshëm” me ambasadorin serb në Reçicë të Vogël, para se Kosova të fitonte pavarësinë.
“Nuk dija se si t’ja nisë bisedën, e pyeta a do të flasim si kojshi, apo si diplomat e si politikan. E pyeta, pse se pranoni pavarësinë e Kosovës? Kojshi, pse nuk tërhiqeni prej Veriut, a e dini se presidentin tuaj ua kanë vra grupe të instaluara nga bandat e krimit. Ai më tha se e dinë këtë, por nuk pranoi se tërhiqemi nga Veriu por tha se Kosovën edhe po tua falim Kosovën ata nuk e duan”, deklaroi Ahmeti.
Ai tha se krerët e dy shteteve duhet ulen e të diskutojnë për zgjidhjen më të mirë.
“Sipas informative që unë I kam, aktualisht politika Serbe nuk është e interesuar të rikthejë Kosovën. Aktualisht qëndron ajo që e thashë më herët që më është pohuar nga ambasadori i Serbisë. Kjo është çështje që duhet të vendoset në tavolinë sepse këtu tashmë ke të bësh me temë dhe problematikë krejtësisht tjetër, për ndryshim, e jo korigjim e demarkacion”, deklaroi Ahmeti.
