Nënkryetari i Bashkimit Demokratik për Integrim, njëherë edhe koordinatorë i grupit parlamentar, Arbër Ademi në emisionin Click Plus në Tv21 ka deklaruar se kreu i BDI-së, Ali Ahmeti ka qenë dhe vazhdon të jetë i angazhuar për unitet në kampin politik shqiptarë.
“Kryetari i BDI-së, Ali Ahmeti është një nga deputetët më të disiplinuar. Ai në Kuvend vjen edhe kur ne kemi 64 vota. Kontributi në Kuvend nuk dërgohet vetëm me pjesëmarrje, por me takime e gjëra të tjera. Bllokimi i ligjeve është faj i bllokadës së opozitës, shkak të bllokadës aktive nga ana e deputetëve të opozitës. Një deputet i vetëm, mund ta bllokojë të gjithë shtetin”, tha Ademi.
