Kryeministri Edi Rama ndodhet në Tunizi. Bashkë me krerët e 88 vendeve, kreu i qeverisë po merr pjesë në samitin e 18-të të frankofonisë.
Nga aty, Rama ka publikuar në Facebook një foto me homologun e Malit të Zi Dritan Abazoviç, teksa e cilëson këtë të fundit si më të mirin.
Pjesëmarrës kryesor në samit është presidenti francez Emanuel Macron. Samiti është një mbledhje e profilit të lartë të dhjetëra kombeve frëngjishtfolëse dhe organizatave ndërkombëtare për të adresuar çështjet globale me interes të përbashkët.
